गहाण गाथा

तथाकथित सडक्या सनातनी गटारातील
समाधिस्त शुभ्र बगळे 
भणभणत्या नरकातील वाळवळणारे किडे
गटागटा खाऊन.......
गावडुकरांना चिडवित,...... उरावरील अवाढव्य
रोगट ढेरीवरून दिमाखाने हात फिरवतांना
भासवतात......"जणू  हेच समाजाचे ठेकेदार "!.....

जिथे - तिथे बनवितात प्रसिद्धीविश्वे........
ढेकणांप्रमाणे...... अन चिकटून बसतात
चामा-लिचोडाप्रमाणे घट्ट........
समाजाला सडवीत.......

परवित्त, जीवित्त, स्वांतत्र्य अन हक्कानवर......
राजरोस बलात्कार करीत.......
नीती, धर्म, साहित्य, शिक्षणाचे कित्ते गिरविणारे 
हे व्यासपीठवीर......... केकाटू लागतात 

तेव्हा कुत्र मुतलेल्या देवाच्या दगडांप्रमाणे 
श्रोते धन्य-धन्य  होतात..........
अन गात बसते भारतमाता, आपली "गहाण  गाथा "
प्रसुतिवेदना विसरण्यासाठी!...........